கோரக்கர்
சித்தர்

கோரக்கர் தோற்றம்

பதினெண் சித்தர்களில் ஒருவர் கோரக்கர் சித்தர். சித்தர்கள் பலரும் சிவாலயங்கள் மற்றும் முருகன் ஆலயங்களில் ஜீவ சமாதி பெற்றிருக்க, இவர் மட்டும் சிவாலயத்தின் வெளியே வலதுபுறம் ஞானச்சுடராய் ஒளி வீசிக் கொண்டிருக்கிறார். கோரக்கர் சித்தரின் பிறப்பு சித்த புருஷர்களின் பிறப்பிலேயே விசேஷமான தன்மை கொண்டது. விபூதி எனில் சாம்பல் என்று ஒரு பொருளும் ஞானம் என்று மறுபொருளும் உண்டு. அப்படிப்பட்ட விபூதியிலிருந்து 9 வயது பாலனாக கார்த்திகை மாதம் ஆயில்ய நட்சத்திரத்தில் அவதரித்தவர். இவர் எந்த ஆயுதத்தாலும் அழிக்க முடியாத, பஞ்சபூதங்களாலும் பாதிக்கப்படாத வஜ்ர காயம் பெற்றவர் என்கிறது தல புராணம். இவர் சீனாவில் 500 வருடங்கள் சித்து விளையாடியதாகவும், பொதிகையில் 400 வருடங்கள் தங்கிய பின் பழனி வந்ததாகவும் அவரது நூலில் குறிப்பிடப்படுகிறது.

கோரக்கரும் போகரும்

நவபாஷண முருகன் சிலையை போகரும், கோரக்கரும் உருவாக்கி அதனை தைப்பூச பௌர்ணமி நாளில் பழனியில் நிறுவினர்.அதன் பிறகு போகர் கோரக்கரை அழைத்து என்னை (போகரை) பழனியில் சமாதி வைத்த பின் நீ வடக்குப் பொய்கை நல்லூர் சென்று அங்கேயே தவம் செய்து கொண்டிரு, நான் என் சமாதியிலிருந்து வெளிப்பட்டு அங்கு வந்து உன்னை சமாதியில் அடக்கம் செய்கிறேன் என்றார். அதன் படி கோரக்கரை போகர் ஐப்பசி திங்கள் பரணி நட்சத்திரத்தில் வடக்குப் பொய்கை நல்லூரில் ஜீவசமாதி அடைய வைத்தார். இச் சிற்றூரில் சமாதி கூடிய காலம் கி.பி. 1283 ஆம் ஆண்டு என்று கணிக்கப்பட்டுள்ளது. கோரக்கரும் போகரும் இணைந்து அமைத்ததே 'சிதம்பர ரகசியம்' என்கின்றனர்

கோரக்கர் அருளிய நூல்கள்

ஒளிவு மறைவு இல்லாமல் சித்த வினோதங்களையும், சித்த மருத்துவ குறித்தும், மற்ற சித்தர்கள் போல் மூடு மந்திரம், பரிபாஷைகள், சங்கேதக் குறிகள் என ஏதும் இல்லாமல் எளிய சொற்களால் நூல்களை உலகுக்கு தந்துள்ளார். கோரக்கர் அருளிய நூல்கள் 40 என்பது அவரது நூல்களால் அறிய முடிகிறது. அதில் பிரசித்து பெற்ற நூல்கள்:- சந்திர ரேகை, நமனாச திறவுகோல், ரவிமேகலை, முத்தாரம், மலைவாகடம், கற்பம், முத்திநெறி, அட்டகர்மம், சூத்திரம், வசார சூத்திரம், மூலிகை, தண்டகடா கற்ப சூத்திரம், பிரம்ம ஞானம் ஆகும். சதுரகிரி மஹாத்மியம் என்கிற தனது நூலில் கோரக்கரே “திருப்பழனி மல்லூர் தன்னில் போகரோடு தெண்டபாணி தெய்வ உருவம் செய்தோம்” என்று சொல்லி இருக்கிறார்.

கோரக்கர் பொய்கைநல்லூரில் ஜீவசமாதி அடைதல்